«Otyz jyl buryn Qazaqstan halqy taǵdyrsheshti tańdaý jasap, eldiń strategııalyq damý baǵytyn aıqyndaǵan Konstıtýsııany qabyldady. Ol demokratııalyq qaǵıdattardy bekitip, adam men azamattyń quqyqtary men bostandyqtaryn qorǵaý júıesin qalyptastyrdy. Dál osy normalardyń arqasynda elimizde aýqymdy reformalar dáıekti túrde júzege asýda», – dep atap ótti vedomstvo basshysy.
Memlekettik organdar júıesinde prokýratýraǵa erekshe ról berilgen – ol zańdylyq pen konstıtýsııalyq tártiptiń qorǵaýshysy. Keıingi otyz jylda prokýratýra organdary Ata Zańnyń ústemdigin qamtamasyz etip, azamattardyń quqyqtaryn, memleket pen qoǵamnyń múddelerin qorǵap keledi.
Bas Prokýror «Prokýratýra týraly» Konstıtýsııalyq zańnyń qabyldanýy konstıtýsııalyq júıeniń damýyna mańyzdy qadam bolǵanyn jáne prokýratýranyń memlekettiń quqyqtyq qurylymyndaǵy aıryqsha mıssııasyn bekitkenin atap ótti. «Bizdiń jumysymyzdyń árbir baǵyty – Konstıtýsııa prokýratýraǵa zańdylyqtyń saqtalýyn joǵary qadaǵalaý men azamattardyń quqyqtaryn qorǵaýdy júktegen normalardy iske asyrý bolyp tabylady», – dedi B.Asylov.
Sonymen qatar ol qarqyndy ózgerister jaǵdaıynda prokýratýranyń zamanaýı organǵa aınalyp, konstıtýsııalyq reformalarǵa úılesimdi túrde kirigip jatqanyn, sıfrlyq tehnologııalardy belsendi engizip, bıznesti, ınvestısııany, balalardyń quqyqtary men qoǵam múddelerin qorǵaýdy kúsheıtip otyrǵanyn aıtty.
