Qaraǵandy akademııalyq mýzykalyq komedııa teatry «Astana Operanyń» turaqty meımandarynyń qatarynda ekenin aıta ketken jón. Operetta men mýzykalyq komedııa dástúrlerin uqypty saqtap kele jatqan qaraǵandylyq ujymnyń elordalyq teatrdyń Úlken zal sahnasynda osymen besinshi gastrol aıasynda óner kórsetýi – osy sózimizdiń aıqyn dáleli.
Gastroldik baǵdarlama operetta ártisteri men sımfonııalyq orkestrdiń jáne balet trýppasynyń oryndaýyndaǵy aýqymdy Gala-konsertpen ashyldy. Túrli kúnderi kórermenderdiń nazaryna I.Shtraýstyń tanymal «Syǵan barony», I.Kalmannyń «Baıadera» operettalary, sondaı-aq R.Ferreınniń «Nekotorye lıýbıat pogorıachee» áńgimesiniń jelisi boıynsha jazylǵan Dj.Staınnyń «Djazda tek qana qyzdar» atty kúlkili ári ekpindi mıýzıkli usynyldy.
Ujymnyń jas kórermen úshin daıyndaǵan I.Polıakovtyń «Etik kıgen mysyq», O.Klıýevtiń «Sıqyrly gúl» jáne S.Sırıýktiń lıbrettosyna «Altyn kilt» mýzykalyq ertegileri jazǵy demalysta oqýshylar úshin naǵyz tosynsyı boldy.
