Foto: Astana qalasynyń ákimdigi
Qala ákimdiginiń habarlaýynsha, jańa keste eń aldymen qala ortalyǵynda ornalasqan memlekettik jáne jartylaı memlekettik mekemelerge qatysty bolmaq
Jańa tártipke sáıkes, 15 qyrkúıekten bastap: •
- Qalalyq kommýnaldyq qyzmetterdiń jumys kúni tańǵy 7:30-da bastalady;
- Astana ákimdiginiń qyzmeti 7:30-da bastalady;
- Keıbir memlekettik organdar men jartylaı memlekettik kompanııalar jumys kúnin 7:30 ben 8:00 aralyǵynda bastaıdy.
Sáıkesinshe jumys kúniniń aıaqtalý ýaqyty da ózgertiledi.
Al jeke sektor, bıznes, mektepter, balabaqshalar, aýrýhanalar, emhanalar, halyqqa qyzmet kórsetý ortalyqtary jáne ózge de áleýmettik nysandardyń jumys kestesi ózgerissiz qalady.
Aıta keteıik, Astanadaǵy keıbir mınıstrlikter men memlekettik organdardyń jumys kúni burynnan saǵat 8:00-de bastalady.
Ákimdiktiń málimetinshe, bul shara negizgi magıstraldardaǵy kólik aǵynyn retteýge kómektesedi. Sonymen qatar, turaq erejelerin buzatyn avtokólikterge qatań shara qoldanylyp, quqyqbuzýshylardyń kólikteri aıyp turaǵyna evakýasııalanatyn bolady.
Qoǵamdyq kólikti damytý baǵytynda da jumystar jalǵasyp jatyr. Jańa jyldam baǵyttar men marshrýttar ashylýda, jańa avtobýstar shyǵarylýda, joldardy salý jáne jóndeý jumystary júrgiziledi. Ákimdik bul sharalar keshendi túrde tańerteńgi jáne keshki ýaqytta joldardaǵy keptelisti azaıtýǵa múmkindik beretinin atap ótti.
