Foto: Ashyq derekkóz
Sýdıa Ellıson Barroýzdyń pikirinshe, shamamen 2 mıllıard dollar kólemindegi qarjylandyrýdy toqtatý ýnıversıtettiń sóz bostandyǵy quqyǵyn buzady. Osyǵan baılanysty úkimet aǵymdaǵy tólemderdi kidirte almaıdy jáne jańa granttardyń berilýine kedergi qoıa almaıdy.
Degenmen, Aq úı sot sheshimin «óreskel» dep baǵalap, sýdıa Barroýzdy «belsendi» dep aıyptap, apellıasııaǵa júginetinin málimdegen.
«Garvardtyń salyq tóleýshilerdiń qarajatyna konstıtýsııalyq quqyǵy joq, sondaı-aq ol bolashaq granttarǵa kepildik ala almaıdy», dedi Aq úıdiń baspasóz hatshysy kómekshisi Lız Hıýston.
Al Garvard ýnıversıtetiniń prezıdenti Alan Garber óz kezeginde: «Biz bul sheshimniń yqpalyn taldaýdy jalǵastyramyz, aldaǵy quqyqtyq ózgeristerdi jiti qadaǵalaımyz jáne mıssııamyzdy oryndaýǵa baǵyttalǵan jańa jaǵdaılarǵa beıimdelemiz», dep málimdedi.
Sýdıa Barroýz Garvardty antısemıtızmge tózimdilik tanytqany úshin synaǵanymen, ákimshiliktiń áreketi «eldiń jetekshi oqý oryndaryna baǵyttalǵan maqsatty ári ıdeologııalyq shabýyl» ekenin atap ótti.
Aıta keteıik, taǵy úsh ýnıversıtet – Kolýmbııa, Pensılvanııa jáne Braýn ýnıversıtetteri Tramp ákimshiligimen federaldy qarjylandyrýdy jalǵastyrý jóninde bólek kelisim jasaǵan.
