Foto: gov.kz
Tıimdi ǵylymı ekojúıeni qurý úshin Memleket basshysynyń janynan Ulttyq Ǵylym akademııasy men Ǵylym jáne tehnologııalar jónindegi Ulttyq keńes qurylǵan. Sondaı-aq zertteýlerdi ekonomıkanyń praktıkalyq qajettilikterine baǵyttaý úshin «Ǵylym jáne tehnologııalyq saıasat týraly» jańa zań qabyldanǵan. Ǵylym jáne joǵary bilim mınıstri Saıasat Nurbektiń aıtýynsha, ǵalymdardy qoldaý aıasynda jalaqy 18% ósýmen qatar, ǵylymı ataqtar úshin beriletin ústemeaqylar mólsheri kóbeıgen.
Ǵylym men óndiristiń baılanysyna erekshe nazar aýdarylady. Ǵylymı ázirlemelerge ınvestısııa salatyn bıznes úshin 150% salyq shegerimi qarastyrylǵan. Naqty sektormen birlesip oryndalǵan jobalardyń úlesin 2025 jyly 20%-ǵa jetkizý mindeti qoıylǵan. Bul sharalar ǵylymı jańalyqtardy kommersııalandyrýdy qamtamasyz etýge jáne Qazaqstannyń tehnologııalyq egemendigin nyǵaıtýǵa arnalǵan.
«Bizdiń barlyq ǵalymdar qazir iri kásiporyndarmen tyǵyz baılanysta jumys isteıdi. О́tken jyly osyndaı toǵyz arnaıy kezdesý ótti, oǵan 400-den astam maman qatysty. Nátıjesinde Qazaqmys, ERG, Qazatomónerkásip, Qarmet, Qazmyrysh sııaqty iri kompanııalardyń mamandarymen birlesip 100-den astam ǵylymı máseleler ázirlenip, 10 ǵylymı tapsyrma bekitildi», dedi Saıasat Nurbek.
