Foto: itecgroup.ru
Ǵylym jáne joǵary bilim mınıstri Saıasat Nurbektiń málimetinshe, elimizde Ulybrıtanııa, AQSh, Ońtústik Koreıa jáne basqa da elderdiń jetekshi sheteldik ýnıversıtetterinń 24 fılıaly ashylǵan. Bul qazaqstandyq jastarǵa shetelge shyqpaı-aq ozyq bilim alýǵa múmkindik beredi. Bilim berýdi tehnologııalyq jańǵyrtýdyń negizgi elementi aýqymy jaǵynan buryn-sońdy bolmaǵan AI-Sana baǵdarlamasy bolyp otyr. Onyń maqsaty – stýdentterge jasandy ıntellekti tehnologııalaryn jappaı oqytý.
«Baǵdarlama júzege asyp jatqan 5 aıda bizdiń stýdentter endigisi 119 jasandy ıntellekti agentin qurdy, taǵy 395-i ázirlenýde. Nátıjesinde 20 ýnıversıtette JI, mashınalyq oqytý jáne kıberqaýipsizdik salasynda 25 túbegeıli jańa bilim berý baǵdarlamasy ashyldy», dedi mınıstr.
Tehnologııalyq egemendikti qamtamasyz etý úshin osy salada qýatty ınfraqurylym qurylady, onyń ishinde 42 PFlops sýperkompıýterlik klasteri bar. Jasandy ıntellekt boıynsha kýrstar qazirdiń ózinde elimizdiń barlyq joǵary oqý oryndarynda mindetti pánge aınaldy, bul IT-mamandar men ǵylymı kásipkerlerdiń jańa býynyn daıarlaýǵa negiz qalaıdy.
«Eki jyl buryn biz Coursera korporasııasymen arnaıy kelisimge qol qoıdyq, sonyń arqasynda bizdiń 95 ýnıversıtet osy platformadaǵy kýrstarǵa tegin qol jetkizdi. Osy ýaqyt ishinde stýdentter 350 myńnan astam sertıfıkat alyp, 2,5 mln saǵatqa jýyq onlaın-kýrstardan ótti. Osy júıeli jumystyń arqasynda Qazaqstan bıyl óte bedeldi bolyp sanalatyn Coursera halyqaralyq syılyǵynyń laýreaty atandy», dedi ǵylym jáne joǵary bilim mınıstri Saıasat Nurbek.
