Foto: ashyq derekkóz
«Qazirgi kókiregi oıaý jas urpaq otanshyldyqty basqasha túsinedi. Jastardyń basym bóligi ásireultshyldyqty da, ásiredinshildikti de qoldamaıdy. Olar úshin patrıotızmniń basty kórsetkishi – jasampazdyq pen jańashyldyq. Buǵan qosa «Eldi súıý degenimiz – halyqqa paıdasy tıetin jańa is bastaý» dep oılaıdy. Jastar Qazaqstandy damyǵan, órkendegen memleket retinde kórýge umtylady», dedi Prezıdent.
Memleket basshysy óskeleń urpaqtyń boıyndaǵy patrıotızmdi bolashaqqa degen shynaıy umtylys dep baǵalady.
«Bul – qoǵam sanasynda bolyp jatqan ózgeristiń aıqyn kórinisi. Men jastardyń kúsh-jigerine, daryny men bilimine senemin. Biz qolǵa alyp jatqan barlyq aýqymdy jumys – olardyń jarqyn bolashaǵy úshin jasalyp jatyr», dedi Toqaev.
Prezıdent jastardyń ǵylym-bilimge degen talpynysyn qoldaýdyń mańyzyn atap ótip, jańa dáýirde jasandy ıntellekttiń orny erekshe ekenin aıtty. Sondaı-aq Memleket basshysy Abaıdyń «Adamnyń adamshylyǵy aqyl, ǵylym, jaqsy ata, jaqsy ana, jaqsy qurby, jaqsy ustazdan bolady» degen naqylyn mysalǵa aldy.
«О́rkenıetti ári ozyq eldiń zańy ádil, bıligi bilikti, azamattary sanaly jáne belsendi bolýǵa tıis. Memlekettik deńgeıde qabyldanǵan árbir sheshim halyqtyń turmysyn jaqsartý, ekonomıkany turaqtandyrý, áleýmettik ádildik ornatý úshin jasalǵan ispen ólshenedi. Sonda ǵana biz jańa turpatty, myqty el bolamyz», dedi Prezıdent.
