Foto: pixabay.com
Depýtat osy máseleni sheshýdi kózdeıtin standart jobasy Densaýlyq saqtaý mınıstrligine 10 aı buryn joldanǵanyn aıtyp, arnaıy standarttyń bekitilmeýi saldarynan emdelmeıtin aýrýǵa shaldyqqan balalar jetkilikti qoldaýǵa qol jetkize almaı otyrǵanyna nazar aýdardy.
«Standarttyń joqtyǵy balalarǵa kórsetiletin pallıatıvtik medısınalyq kómektiń sapasyna áser etip jatyr. Medısınalyq qyzmetkerler balalar shaldyqqan qandaı aýrýlary pallıatıvtik statýsqa aýystyrylatynyn, qashan jáne kimniń aýystyrýy kerek ekenin, pallıatıvtik statýstaǵy balalardy qalaı baqylaý qajet ekenin bilmeıdi. Bul suraqtarǵa jaýaptar Qazaqstandaǵy balalarǵa pallıatıvtik medısınalyq kómek kórsetýdi uıymdastyrý standartynyń jobasynda naqty kórsetilgen. Tek Densaýlyq saqtaý mınıstrligi osy standartty bekitýdi nelikten sozyp otyrǵany túsiniksiz. Ishki nemese syrtqy qandaı kúshter standarttyń qabyldanýyna kedergi keltirip jatyr? Buǵan kim jaýapty? Sońynda, zardap shegip otyrǵan – balalar», dedi Irına Smırnova.
Sondaı-aq ol balalardy emdeıtin dárigerler tapshylyǵy da ózekti ekenine toqtalyp, «Astana medısına ýnıversıteti» KeAQ-tyń «Balalar anestezıologııasy, reanımatologııasy, ıntensıvti terapııasy jáne shuǵyl medısınalyq kómek» kafedrasyn jabý sheshimine qatysty ýáj aıtty.
«Elimizde bar bolǵany 2 JOO balalar anestezıologııasy-reanımatologııasy boıynsha mamandar daıarlap keldi. Qazirgi ýaqytta tek 1 ýnıversıtet qana qaldy. Ýákiletti organ qosymsha pedıatrııalyq baǵyttaǵy bilim berý baǵdarlamalaryn ashyp otyrǵanyn, professorlyq-oqytýshylyq quramnyń kadrlyq áleýeti bar ekenin, búkil elge balalar anestezıolog-reanımatologtaryn daıarlaýǵa múmkindik týyp otyrǵanyn eskersek, «Balalar anestezıologııasy, reanımatologııasy, ıntensıvti terapııasy jáne shuǵyl medısınalyq kómek» kafedrasynyń jabylýyn dıversııalyq áreket retinde qarastyrýǵa bolady», dedi depýtat.
Sondyqtan Irına Smırnova Qazaqstandaǵy balalarǵa pallıatıvtik medısınalyq kómek kórsetýdi uıymdastyrý standartyn bekitý máselesin sheshý men «Astana medısına ýnıversıteti» KeAQ-daǵy «Balalar anestezıologııasy, reanımatologııasy, ıntensıvti terapııasy jáne shuǵyl medısınalyq kómek» kafedrasyn qaıta iske qosýdy qarastyrýdy usyndy.
