2005 jyldan beri atalǵan jeli seriktesterimen birge múgedektigi bar áıelderdiń teńdigi men quqyqtaryn qorǵaý baǵytynda jumys istep keledi. Uıym tájirıbesinde ulttyq jáne halyqaralyq deńgeıdegi advokasııa jobalary, reprodýktıvtik quqyqtardy qorǵaý bastamalary, táýelsiz ómir mektepterin ótkizý, teris stereotıpterdi eńserý jáne kóshbasshylyqqa baýlý baǵdarlamalary bar.
Konferensııada aımaqtaǵy uıymdardyń tájirıbesi tanystyrylyp, negizgi taqyryptar boıynsha talqylaýlar ótti. Múgedektigi bar áıelder men qyzdardyń quqyqtaryn qorǵaý turǵysynan Turaqty damý maqsattaryna qol jetkizýge qatysty usynymdar berildi.
Senat tóraǵasynyń orynbasary Olga Perepechına óz sózinde: «Turaqty damý maqsattary – bolashaqqa baǵyttalǵan ámbebap kún tártibi. Biraq olardy halyqtyń osal toptarynyń múddesin eskermeı júzege asyrý múmkin emes. Múgedektigi bar áıelder men qyzdar da bilimge, medısınaǵa, jumyspen qamtýǵa jáne qoǵamdyq ómirge teń qol jetkizýge tıis. Bizdiń mindetimiz – eshkimdi nazardan tys qaldyrmaý», dedi.
Syrtqy ister mınıstrliginiń erekshe tapsyrmalar jónindegi elshisi Aıgúl Nádirqulova: «Inklıýzııa qaǵıdattaryn ilgeriletý jáne Turaqty damý maqsattaryna qol jetkizý – Qazaqstan úshin basym baǵyt bolyp qala beredi. Halyqaralyq yntymaqtastyq pen tájirıbe almasý arqyly múgedektigi bar áıelder men qyzdarǵa teń múmkindikter beretin ınklıýzıvti qoǵam qura alamyz», dep atap ótti.
Konferensııa Turaqty damý maqsattaryn oryndaý, BUU múgedekter quqyǵy jónindegi konvensııasy men áıelderge qatysty kemsitýshilikti joıý týraly konvensııa erejelerin júzege asyrýǵa baǵyttalǵan halyqaralyq mindettemelerdi qoldaýǵa óz úlesin qosady. Sonymen qatar, is-shara Eýropadaǵy qaýipsizdik jáne yntymaqtastyq uıymynyń adam quqyqtary men genderlik teńdik salasyndaǵy basymdyqtaryn alǵa jyljytýǵa septigin tıgizedi.
