Jospar boıynsha jyl saıyn:660 myń tonna ammıak, 577,5 myń tonna karbamıd jáne 500 myń tonna ammıak selıtrasy óndiriledi.
Keshendi 2029 jyly iske qosý kózdelgen. Qurylysta shamamen 1 500 adam jumys istese, paıdalanýǵa berilgen soń 700 turaqty jumys orny ashylady.
Jobaǵa AQSh, Qytaı, Japonııa jáne Ispanııadan seriktester tartylady. О́nim ishki naryqtan bólek Ortalyq Azııa, Eýropa jáne Taıaý Shyǵys elderine eksporttalmaq.
Kásiporynnyń basty ereksheligi – ekologııalyq tıimdiligi. Munda shyǵaryndylardy azaıtatyn zamanaýı tehnologııalar jáne sýdy qaıta aınalymda paıdalaný júıesi qoldanylady. Bul sheshimder qorshaǵan ortaǵa túsetin áserdi azaıtady.
«KazAzot» AQ - ammıak, azot qyshqyly men ammıak selıtrasyn óndiretin eldegi jetekshi hımııa kásiporny. Shıkizat kózi - Shaǵyrly-Shomyshty gaz ken orny. «KazAzot Prime» iske qosylǵan soń, kompanııanyń óndiristik qýaty artyp, Qazaqstannyń álemdik tyńaıtqysh naryǵyndaǵy pozısııasy nyǵaıa túspek.
