Jıynda Eýropalyq qaıta qurý jáne damý banki, Halyqaralyq qaıta qurý jáne damý banki, Azııa ınfraqurylymdyq ınvestısııalar banki jáne Islam damý banki arqyly iri ınfraqurylymdyq jobalardy memlekettik kepildikpen qarjylandyrý tetikteri qaraldy.
Kólik ınfraqurylymyna qatysty erekshe nazar «Beıneý – Sekseýil» avtojolynyń qurylysyna aýdaryldy. Memleket basshysynyń tapsyrmasyna sáıkes, «Beıneý – Sekseýil» jáne «Bozoı – Shalqar» ýchaskelerin qamtıtyn, jalpy uzyndyǵy 765 shaqyrym bolatyn jańa avtojoldyń tehnıkalyq-ekonomıkalyq negizdemesi aıaqtalýda. Kólik mınıstrliginiń málimetinshe, qurylys jumystary taıaý ýaqytta bastalady. Al EQDB men HQDB 800 mlrd teńgeden astam qarajat bólýge daıyn ekenin mandattyq hatpen rastady.
Sondaı-aq «QTJ» UK» AQ-nyń Transqazaqstandyq temirjol dálizin damytýǵa baǵyttalǵan Middle Corridor Development jobasyn HQDB jáne AIIB-men birlesip júzege asyrý máselesi sóz boldy.
Islam damý bankimen arnaıy ekonomıkalyq jáne ındýstrııalyq aımaqtardy ınjenerlik-kommýnıkasııalyq ınfraqurylymmen qamtýǵa baılanysty yntymaqtastyq bólek qaraldy. О́nerkásip jáne qurylys mınıstrliginiń boljamynsha, bul qadam 2030 jylǵa qaraı óńdeý ónerkásibiniń jalpy qosylǵan qunyna 6,1 paıyz ósim beredi.
Atalǵan jobalardy júzege asyrý Qazaqstannyń halyqaralyq tranzıttik dáliz retindegi áleýetin arttyryp qana qoımaı, el ekonomıkasynyń tartymdylyǵyn kúsheıtýge jáne iskerlik ortany damytýǵa eleýli úles qospaq.
