- Qazaqstan Respýblıkasynyń Konstıtýsııasy 44-babynyń 3) tarmaqshasyna sáıkes memlekettik basqarý júıesiniń tıimdiligin arttyrý maqsatynda QAÝLY ETEMIN:
1. Innovasııalyq qyzmet salasyndaǵy fýnksııalar men ókilettikterdi Qazaqstan Respýblıkasynyń Ǵylym jáne joǵary bilim mınıstrligine bere otyryp, Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi Qazaqstan Respýblıkasynyń Jasandy ıntellekt jáne sıfrlyq damý mınıstrligi bolyp qaıta qurylý jolymen qaıta uıymdastyrylsyn.
2. Qazaqstan Respýblıkasynyń Jasandy ıntellekt jáne sıfrlyq damý mınıstrligi men Qazaqstan Respýblıkasynyń Ǵylym jáne joǵary bilim mınıstrligi beriletin fýnksııalar men ókilettikterge sáıkes Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrliginiń quqyqtary men mindetteriniń quqyqtyq mırasqory bolyp aıqyndalsyn.
3. Qazaqstan Respýblıkasynyń Úkimeti Qazaqstan Respýblıkasynyń zańnamasynda belgilengen tártippen:
1) Qazaqstan Respýblıkasy Prezıdentiniń Ákimshiligimen kelisý boıynsha memlekettik organdardyń jáne olarǵa vedomstvolyq baǵynysty uıymdardyń shtat sanyn qaıta bólýdi;
2) osy Jarlyqty iske asyrý boıynsha ózge de sharalar qabyldaýdy qamtamasyz etsin.
4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı ózgeris engizilsin:
1-tarmaqtaǵy «Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi» degen jol mynadaı redaksııada jazylsyn: «Qazaqstan Respýblıkasynyń Jasandy ıntellekt jáne sıfrlyq damý mınıstrligi».
5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
6. Osy Jarlyq qol qoıylǵan kúninen bastap qoldanysqa engiziledi, - delingen qujatta.
