Bul — jer resýrstaryn, sý qorlaryn, energııany basqarý jáne bıologııalyq ártúrlilikti saqtaý salalarynda keshendi ári ornyqty sheshimder ázirleýge baǵyttalǵan ǵylymı-bilim berý ortalyǵy.
Instıtýt óńirlik jáne halyqaralyq seriktesterdiń ǵylymı áleýetin biriktiretin platforma retinde jumys isteıtin bolady.
Bul bastama Ulttyq ǵylym akademııasy, KazNARU jáne DKU Qazaqstan-Nemis ýnıversıtetiniń yntymaqtastyǵymen, Hanns Zaıdel qorynyń strategııalyq qoldaýymen júzege asyp otyr.
Instıtýttyń basty maqsaty – jer, sý, energııa jáne bıoalýantúrlilikke qatysty ózara baılanysty máselelerdi ǵylymı turǵyda sheshý arqyly aımaqtyń ornyqty damýyna úles qosý. Bul rette pánaralyq zertteýlerge, halyqaralyq akademııalyq utqyrlyqqa jáne Ortalyq Azııa úshin joǵary bilikti mamandar daıarlaýǵa basa nazar aýdarylady.
Ulttyq ǵylym akademııasynyń málimetine súıensek, ınstıtýt qyzmetiniń tómendegi negizgi baǵyttardy qamtıdy:
- Sý jáne jer resýrstaryn ornyqty basqarýdyń saıasatyn ázirleý;
- Tabıǵı resýrstardy basqarýǵa arnalǵan sıfrlyq sheshimderdi engizý;
- Klımattyń ózgerý jaǵdaıynda jumys isteıtin kadrlardy daıarlaý;
Jerdiń tozýy men shóleıttenýiniń aldyn alýǵa baǵyttalǵan tájirıbelerdi ilgeriletý.
Nemis seriktesteri, sonyń ishinde Hanns Zaıdel qory, ınstıtýtqa zertteý baǵdarlamalaryn iske qosýdan bastap strategııalyq sessııalar ótkizý men bilim berý platformalaryn damytýǵa deıingi aralyqta qarjylyq jáne saraptamalyq qoldaý kórsetetin bolady.
«Nexus» ınstıtýtynyń qurylýy – Qazaqstan men Germanııa arasyndaǵy áriptestikti nyǵaıtý jolyndaǵy mańyzdy qadam ári aımaqtyq syn-qaterlerge jaýap bere alatyn jáne turaqty damý maqsattaryna qol jetkizýge yqpal etetin ornyqty akademııalyq ınfraqurylymdy qalyptastyrýǵa baǵyttalǵan tyń bastama.
ALMATY
