Foto: Ashyq derekkóz
Tergeý derekterine sáıkes, qurylys kompanııasynyń basshysy bolǵan bul azamat 2020–2022 jyldary seriktesterimen aldyn ala kelisip, jalǵan kelisimsharttar jasasqan. Qarjyny affılırlengen uıymdar arqyly aýdarý arqyly ol «Samuryq-Energo» aksıonerlik qoǵamynyń enshiles kompanııasynan 8,5 mıllıard teńgeden astam qarajatty zańsyz ıemdengen.
«Atalǵan qarajat Aqmola oblysynda jel elektr stansııasyn salýǵa arnalǵan bolatyn. Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan. Osy jyldyń aqpan aıynda ol Reseı Federasııasynyń aýmaǵynda ustalyp, Qazaqstan Respýblıkasy Bas prokýratýrasynyń suraý salýy boıynsha ony ekstradısııalaý týraly sheshim qabyldandy. Qazirgi ýaqytta kúdikti tergeý ızolıatoryna qamaldy», dep habarlady Bas prokýratýranyń baspasóz qyzmeti.
Atalǵan iske qatysy bar ózge adamdar mamyr aıynda sot úkimimen túrli merzimge bas bostandyǵynan aıyrylǵan.
Sonymen qatar qoldanystaǵy zańnamaǵa sáıkes mundaı quqyq buzýshylyq úshin múlikti tárkileý jazasymen qatar 5 jyldan 10 jylǵa deıin bas bostandyǵynan aıyrý kózdelgen.
