Bilim-biliktilik saıysynda Shymkent qalalyq medısınalyq jedel járdem stansııasynyń feldsherlik brıgadasy balalarǵa reanımasııa kórsetý kezeńinde birinshi orynǵa ıe boldy. Chempıonatqa orta býyn personal dárigersiz qatysty. Degenmen feldsherler toby kásibı sheberlikteriniń arqasynda úzdik komanda atandy. Sóıtip jalpy qorytyndy boıynsha Shymkent brıgadasy 5 orynǵa turaqtady.
Aıta ketý kerek chempıonattyń basty maqsaty – jedel járdem qyzmetkerleriniń bilimin arttyrý, kásibı tájirıbesin shyńdaý jáne medısınalyq kómektiń sapasyn jaqsartý bolyp tabylady. Mundaı jarystarda mamandar tájirıbe almasyp, kúndelikti jumysta qajetti ozyq daǵdylardy meńgeredi. Sondaı-aq jergilikti brıgadalar respýblıkalyq chempıonattarǵa belsene qatysyp, jyldan-jylǵa jaqsy nátıjeler kórsetip keledi deıdi Shymkent qalasy densaýlyq saqtaý basqarmasynyń jaýapty ókilderi.
