Búginde jobany iske asyrý úshin respýblıkalyq deńgeıde memlekettik-jekemenshik áriptestik aıasynda kelisim jasaý múmkindigi qarastyrylyp jatyr. Aqmola oblysy ákiminiń baspasóz qyzmetiniń habarlaýynsha, pılottyq joba aldymen bizdiń oblysta iske qosylyp, keıin respýblıka boıynsha taratylady.
Jýyrda oblys ákiminiń orynbasary Altynaı Ámirenovanyń tóraǵalyǵymen «Tynys» aksıonerlik qoǵamynda atalǵan jobany júzege asyrý máselelerine arnalǵan jıyn ótti. Bul bastama múmkindigi shekteýli jandardyń múmkindikterin keńeıtýge baǵyttalǵan jáne árbir qazaqstandyqtyń teń quqyǵyn qamtamasyz etý men ómir sapasyn arttyrý jónindegi memleket mindetterine saı keledi.
– Qazaqstan Respýblıkasynyń Prezıdenti erekshe qajettilikteri bar azamattardy qoldaý eldiń áleýmettik saıasatynyń negizgi basymdyqtarynyń biri ekenin atap ótken bolatyn. Búginde óńirde 29 myńnan astam múgedektigi bar adam turady, olardyń 1293-i arbamen qozǵalady. Jyl saıynǵy qajettilik – belsendi paıdalanýshylar úshin shamamen 300 elektrqosalqy qurylǵy. Jobany júzege asyrý ınklıýzıvti qoǵam qurýǵa, ınfraqurylymdyq jáne áleýmettik kedergilerdi joıýǵa, sondaı-aq otandyq ázirlemeler men óndiristerdi qoldaýǵa múmkindik beredi, – dep atap ótti Altynaı Ámirenova.
Qazirgi ýaqytta «Tynys» aksıonerlik qoǵamynda osyǵan daıyndyq jumystary bastaldy. О́ndiristik baza qurylyp, tehnıkalyq pysyqtaý jáne jobany iske qosý is-sharalary qarastyrylýda.
Kókshetaý.
