Foto: Úkimet
Kezdesýde saýda-ekonomıkalyq jáne ınvestısııalyq yntymaqtastyqty damytýǵa, kólik-tranzıttik, aýyl sharýashylyǵy salalardaǵy ózara is-qımyl, jasandy ıntellekt pen sıfrlandyrýdy engizý jáne basqa da ózekti máselelerge nazar aýdaryldy. Taraptar ózara saýdany odan ári arttyrýdyń zor múmkindigin atap ótti. Qazaqstan Majarstanǵa eksportty 95 taýar túri boıynsha arttyrýǵa daıyn ekenin jetkizdi. Sondaı-aq jańadan qurylǵan Qazaqstan-Majarstan ınvestısııalyq qory birlesken jańa jobalardy júzege asyrýdyń mańyzdy quralyna aınalady.
Seriktestiktiń negizgi baǵyttarynyń biri – kólik-logıstıka salasy. Qazaqstannyń Eýropalyq Odaqqa eksportyn keńeıtý maqsatynda Býdapesht aglomerasııasynda ıntermodaldy júk termınalyn salý boıynsha birlesken jobany júzege asyrý perspektıvalary talqylandy.
Sonymen qatar JI tehnologııalaryn engizý salasyndaǵy yntymaqtastyqtyń strategııalyq basymdyǵy atap ótildi.
Kezdesý qorytyndysy boıynsha Premer-mınıstr Oljas Bektenov Qazaqstan Úkimeti joǵary deńgeıde qol jetkizilgen barlyq ýaǵdalastyqtyń sapaly oryndalýyn erekshe baqylaýǵa alatynyn basa aıtty.
О́z kezeginde, Majarstan Prezıdenti Tamash Shýıok Qazaqstandaǵy ınvestısııalyq ahýaldy joǵary baǵalap, qazaq-majar yntymaqtastyǵyn odan ári tereńdetýge múddeli ekenin jetkizdi.
