Ǵylym jáne joǵary bilim mınıstrliginiń AP19679909 «Qazaqstandaǵy jalǵan aqparat pen dezınformasııa ındıkatorlaryn anyqtaýǵa arnalǵan sıfrly saýat salasynda aqparattyq resýrs ázirleý» jobasy aıasynda jasalǵan ázirleme Prezıdenttiń elimizdiń sıfrlyq transformasııasy men jastardyń JI-dy saýatty paıdalanýy jónindegi strategııalyq mindetterimen tolyq úndesedi.
«Jasandy ıntellekt, elektrondyq basqarý jáne aqparatqa qol jetkizý» jahandyq taqyryby aıasynda iske asqan «RasInfo» mobıldik resýrsy jasandy ıntellektimen biriktirilgen alǵashqy qazaqstandyq medıaónim. Bul qural sıfrlyq saýat arttyrý, jalǵan aqparatty tekserý (faktchekıng) quraldaryn biriktiredi. Resýrs qazaq, orys jáne aǵylshyn tilderinde qoljetimdi ári qoldanýshylar úshin ońtaıly ınterfeıste jasaldy. Qosymsha qazaq, orys jáne aǵylshyn tilderinde daıarlanyp, qoldanýǵa barynsha jeńildetilgen nusqada ázirlendi.
Bul resýrs medıatehnologııalar men jasandy ıntellekt salasyndaǵy strategııalyq bastamalarǵa bás tigip otyrǵan sıfrlyq dáýirdegi syn-qaterlerge jaýap beretin tehnologııalyq qadam men shyǵarmashylyq sheshimnen turady.
Joba jetekshisi professor Gúlmıra Sultanbaevanyń aıtýynsha, ǵalymdar tobynyń eńbegi elimizdiń aqparattyq qaýipsizdigin nyǵaıtýǵa jáne qoǵamnyń synı oılaý qabiletin damytýǵa úlken úles qosady. Atalmysh resýrsta álemdegi ashyq derekter qorlaryna sholý men sol bazalardyń saıttaryna ótý, faktchekıng keısterin taldaý, oqytý modýldary men AI-Derek qosymshasy usynyldy. Bes modýldan turatyn oqý kýrsynda faktchekıng negizderi, praktıkalary, jalǵan aqparatpen kúresý ádisteri men quraldary, jasandy ıntellekt tehnologııalary boıynsha bilimin jetildirip, praktıkalyq tapsyrmalardy oryndaı otyryp, sertıfıkat alady. Medıa jáne aqparattyq saýat, sıfrly quraldar men tehnologııalar, jasandy ıntellekt jáne algorıtm, kıberqaýipsizdik jáne qupııalylyq, sıfrly kommýnıkasııa jáne medıa, Big Data jáne ashyq derekter, vırtýaldy shynaıylyq sııaqty kategorııalarly qamtıtyn anyqtamalyq paıdalanýshy úshin tıimdi qural.
Jobaǵa kommýnıkasııa professory, Mıýnhendegi Lıýdvıg Maksımılıan ýnıversıtetimedıa jáne kommýnıkasııa kafedrasynyń jetekshisi Tomas Haınıshs sııaqty halyqaralyq deńgeıdegi ǵalym keńesshi boldy. «RasInfo» sıfrly saýat ashý resýrsy Qazaqstandaǵy sıfrlyq saýat arttyrýdaǵy tıimdi quraldardyń birine aınalary sózsiz.
Azamattardyń faktchekıng saýatyn artýyna tıimdi ádis retinde usynylǵan árbir keıste Qazaqstandaǵy jalǵan aqparattyń oryn alýy, merzimi, derekkózi, mazmuny, nelikten ol jalǵan ekendigi, tekserý ádisteri, keıs neni úıretetini, skrınshoty, sanaty, dezınformasııa túri taldanǵan. Bul keıster áribir qoldanýshyǵa jalǵan aqparat pen dezınformasııany tanyp, bilýde tıimdi ádistemelik qural sanalmaq.
Sondaı-aq resýrs qorynda Skopýs derekter bazasynda sońǵy jyldary jaryq kórgen jalǵan aqparat, dezınformasııa jáne verıfıkasııa jaıyndaǵy ozyq zertteý jumystaryna sholý jasalǵan ári qoldanýshyǵa oqýǵa ne júktep alýǵa múmkindik qarastyrylǵan.
Almaty
