Foto: Sý resýrstary jáne ırrıgasııa mınıstrligi
Atalǵan jumysqa 8 shynjyr tabandy ekskavator men eki tıegish tartylǵan, sý jiberý maýsymy bastalǵanǵa deıin 70 shaqyrymnan astam aýmaqty tazalaý josparlanǵan.
Byltyrǵy qyrkúıekten osy jylǵy sáýir aıyna deıin Shý ózeni arqyly Sozaq aýdanyna 1,5 mıllıard tekshe metrden astam sý jiberilgen eken.
Fýrmanov aınalma kanalynyń jalpy uzyndyǵy – 120 shaqyrym, al ótkizý qýaty – sekýndyna 45-50 tekshe metr.
Kanal – malǵa sý berýge, baý-baqsha men jaıylymdy sýarýǵa paıdalanylady. Qazir kanaldyń túbi eki metrge deıin tazalanyp, jaǵalaýlary qalpyna keltirilip jatyr.
«Sala mınıstrliginiń qoldaýymen júrgizilip jatqan jumys Sarysý, Sozaq aýdandary turǵyndaryna zor kómek bolaryna senemiz», deıdi Moıynqum aýdanynyń turǵyny Temirlan Aqbalaev. Aıta ketelik, atalǵan kanal Jambyl óńiriniń Moıynqum aýdanyndaǵy Qylyshbaı, Qumózek, Qarabóget, Saryózek eldi mekenderi mańynan ótedi.
