Foto:istockphoto.com
Eńbek jáne halyqty áleýmettik qorǵaý mınıstrliginiń málimetinshe, memleket tarapynan sýbsıdııalanatyn jumys oryndary arqyly 153,6 myń azamat eńbekke tartylǵan. Onyń ishinde 12,7 myńy áleýmettik jumys oryndaryna, 21,5 myńy jastar praktıkasyna, 96,6 myńy qoǵamdyq jumystarǵa qatysqan. «Kúmis jas» jobasy sheńberinde 17 myń adam eńbekke aralassa, «Alǵashqy jumys orny» baǵdarlamasy boıynsha 5,6 myń jas tájirıbe jınaqtaýda. Sondaı-aq, «Urpaqtar kelisimsharty» bastamasy arqyly 241 adam turaqty jumysqa ornalasty.
«Eńbek naryǵyndaǵy suranysqa ıe daǵdylar boıynsha onlaın oqytýmen 53 myń jumyssyz qamtyldy, onyń ishinde 49,1 myńy oqýdy aıaqtady. «Bastaý Bıznes» jobasy boıynsha kásipkerlik negizderine oqytýmen 45,6 myń adam qamtyldy, onyń ishinde 25,9 myń adam oqýdy aıaqtap, sertıfıkattar aldy. Jumys berýshilerdiń ótinishi boıynsha kásiptik oqytýǵa 8 075 adam jiberildi, onyń ishinde 2 541 adam oqýdy aıaqtady. Oqýdy aıaqtaǵannan keıin 1 065 adam jumysqa ornalasty. Budan basqa, qyzmet salasyn tańdaý maqsatynda kásiptik ortalyqtarda 304,3 myń adam áleýmettik kásiptik baǵdarlaýdan ótip, keńes berý qyzmetterin aldy», delingen habarlamada.
Aıta keteıik, azamattardyń naqty jumysqa ornalasýy mindetti zeınetaqy jarnalarynyń aýdarylýymen rastalady. Bıyl jumyspen qamtylǵandardyń 153,6 myńy memlekettik baǵdarlamalar arqyly, 142 myńy elektrondy eńbek bırjasy arqyly, 283 myńy Prezıdenttiń «10 myń turǵynǵa 100 jumys orny» bastamasy aıasynda, al 28,7 myńy memlekettik organdardyń jobalary boıynsha jumysqa turǵan.
Sonymen qatar, áleýmettik osal toptardy qoldaý maqsatynda jańa bıznes-bastamalarǵa 400 aılyq eseptik kórsetkishke deıingi (1 572 800 teńge) qaıtarymsyz granttar berilýde. 2025 jylǵy 1 qazanǵa deıin respýblıka boıynsha 8 964 azamat osyndaı grantqa ıe bolǵan.
