Foto: istockphoto.com
Onda «drop» degen kim, «qarjylyq pıramıdadan qalaı saqtaný kerek» degen negizgi túsiniktermen qatar jeke derekter, bank ónimderi men onlaın tólemderdiń qaýipsizdigine qatysty 20 suraq toptastyrylǵan. Ol mektep oqýshylaryna, kolledj jáne joǵary oqý oryndarynyń stýdentterine arnalǵan ártúrli deńgeılerdi qamtıdy. Testti 15-20 mınýt ishinde kez kelgen qurylǵydan tapsyrýǵa bolady.
QMA dereginshe, qazir testti Túrkistan, ShQO oblystary men Shymkent qalasynyń turǵyndary belsendi tapsyryp jatyr.
«Muǵalimder ony sabaq barysynda ótkizse, ýnıversıtetter fakýltetaralyq jarystar uıymdastyrdy. Áleýmettik jelilerde qatysýshylar #FinIQ heshtegimen óz nátıjelerimen bólisip, dostaryn «qarjylyq ımmýnıtetin tekserýge» shaqyryp jatyr. Test nátıjesinde árbir qatysýshy dıplom men sertıfıkatqa ıe bolady, al qysqa ýaqytta eń joǵary ballǵa ıe bolǵandar baǵaly syılyqtarmen marapattalady», delingen agenttik habarlamasynda.
Aıta keteıik, test 20 qazanǵa deıin jalǵasady.
