Foto: Aqorda
Memleket basshysy Bir palataly Parlament qurý týraly bastama ınnovasııalyq saıası sheshim bolǵanyn atap ótti.
«Qazir el ishinde, áleýmettik jelide túrli oı-pikirler aıtylyp jatyr. Basym kópshiligi muny «ábden pisip-jetilgen másele» dep sanaıdy. Tipti, «Halyqtyń kóbi qoldaǵan bastamany talqylap, referendým ótkizýdiń qajeti joq» degen oılar da aıtylyp jatyr. «Reformany sozýdyń qajeti joq, taıaý arada qysqa merzim ishinde jasaı salýǵa bolady» degen pikirler de bar.
Shyn máninde, qaı jaǵynan alyp qarasaq ta, másele óte ózekti. Azamattarymyzdyń ártúrli pikir aıtyp, belsendi bolǵany – jaqsy úderis», dedi Qasym-Jomart Toqaev.
Prezıdenttiń aıtýynsha asyǵystyqqa jol berýge bolmaıdy.
«Degenmen parlamenttik reforma – asa kúrdeli jumys. Asyǵystyqqa jol berýge bolmaıdy. Sebebi, bul – elimizdiń taǵdyryn sheshetin jaǵdaı. Bul – memlekettiń bolashaǵyna tikeleı yqpal etetin qadam. Mundaı mańyzdy sheshim keń aýqymdy talqylaý arqyly qabyldanýǵa tıis. Qazaqstan – halyq únine qulaq asatyn Ádiletti memleket. Bul – myzǵymas ustanym», dedi Memleket basshysy.
