Memlekettik aıyptaýshynyń sózinshe, 26 jastaǵy kelinshekti mektep oqýshysy pyshaqtap, keıin máıitin qorlaǵan.
- Kámeletke tolmaǵan sottalýshy óziniń qylmystyq áreketin ári qaraı jalǵastyryp, marqumnyń shalbarynyń oń qaltasynan uıaly telefonyn jymqyryp, jasaǵan qylmystyq is-áreketin jasyrý maqsatynda máıitin qara tústi polıtetılen paketke oraǵan. Keıin turǵyn úı aýlasynda turǵan qurylys arbasyna salyp, qoqys jáshiginiń janyna aparyp tastaǵan, – dedi prokýror Nurjigit Ermentaı.
Kúdikke ilingen mektep oqýshysy jazǵy demalysta qalaǵa jumys isteýge kelgen. Ol baspanada jalǵyz qalyp, áleýmettik jeliden úı tazalaýshyny izdep tabady. Kelinshek úı tazalap bitken soń 15 myń teńgeni suraǵanda aıyptalýshy oǵan pyshaq suqqan. Marqumnyń artynda eki balasy qaldy.
- Bala Qasqasý balasy degennen keıin Qasqasýdyń bárin izdedik. Tappadyq. Sonda Qarataý APB-da izdedik dep izdemegen. Men 28-i kúni aryz jazdym, 29-y kúni Astanaǵa jazdym, sodan keıin telefony tabylady. 31-i kúni qyzym tabylady. Sonda mılısııalar qaıda júrdi izdemeı? Bálkim, izdep tapqanda, bundaı bolmaıtyn edi ǵoı. Bulaı qorlanyp ólmeıtin edi ǵoı, – dedi marqumnyń anasy Qarlyǵash Ońǵarbaeva.
Aıyptalýshy kinásin ishinara moıyndaǵan.
