«Sondyqtan biz osy zańdy ázirleýge belsene qatysyp, tıisti - tehnıkalyq jáne normatıvtik - zańdy qalyptastyrýdamyz. Zańnan keıin naryqty da, onyń jumysyn da naqtylaıtyn zańǵa táýeldi aktiler bolady», dep habarlady A.Muhamedjanov.
Ázirge tıisti aprobasııa QNDRA men Ulttyq bank qumsalǵyshy aıasynda ótip jatyr, onda áleýetti qatysýshylar men bolashaq oıynshylar tehnologııalyq jaǵyn pysyqtap, túrli quraldardyń múmkindikterin synaqtan ótip jatyr.
«Bizde ázirge seriktestik qatynastar men tikeleı tartý boıynsha sharttar joq, biraq naryq qatysýshylarymen AMQ-nyń jańa túrinde qandaı alǵashqy quraldar qyzyqty bolatynyn túsiný úshin ózara is-qımyl jasaımyz», dep túıindedi qazaqstandyq qor bırjasynyń basshysy.
Bankter týraly jańa zań qarjylyq-tehnologııalyq sektordy ári qaraı damytýǵa jáne sıfrlyq qarjy aktıvterin retteýge jaǵdaı jasaıtynyn buǵan deıin aıtqan bolatynbyz. QNDRA Tóraǵasy Madına Ábilqasymovanyń aıtýynsha, zań jobasynda sıfrlyq qarjy aktıvteriniń úsh túri kózdelgen: Onyń aıtýynsha, Ulttyq bank steıblkoındardyń shyǵarylýy men aınalysyn retteıtin bolady, al agenttik - bazalyq aktıvpen qamtamasyz etilgen sandyq aktıvterdiń jáne sandyq nysanda emıssııalanatyn qarjy quraldarynyń shyǵarylýy men aınalysyna qoıylatyn talaptardy retteıtin bolady.
Sıfrlyq qarjy aktıvterin sıfrlyq platforma operatorlary shyǵaratyn bolady. Bul qarjy naryǵynyń jańa sýbektileri, olardyń qyzmetin Ulttyq bank lısenzııalaıtyn bolady.
Sıfrlyq qarjy aktıvterine olardyń aınalysynyń ashyqtyǵy men senimdiligin qamtamasyz etý úshin táýekelderdi basqarýǵa, aqparatty ashýǵa jáne ınvestorlardyń quqyqtaryn qorǵaýǵa qoıylatyn talaptar qoldanylatyn bolady.
