Álem • 16 Qazan, 2025

Qytaı memlekettik qyzmetke qabyldaý jasyn ulǵaıtty

120 ret

kórsetildi

1 mın

oqý úshin

Qytaı Halyq Respýblıkasy memlekettik qyzmetke qabyldaý jasyna qatysty shekteýdi ózgertti. Jańartylǵan tártip boıynsha memlekettik qyzmetke úmitkerler úshin joǵarǵy jas shegi 35 jastan 38 jasqa deıin kóterildi. Al magıstrlik ne doktorlyq dárejesi bar azamattar úshin bul meje 40 jastan 43 jasqa deıin ulǵaıtyldy, dep habarlaıdy Egemen.kz China Daily-ge silteme jasap.

Qyrmyzy JUMAǴALIQYZY

Qytaı memlekettik qyzmetke qabyldaý jasyn ulǵaıtty

Foto: istockphoto.com/

2026 jyly Qytaıdyń ortalyq memlekettik organdary men olarǵa baǵynysty qurylymdarǵa barlyǵy 38 100 jańa qyzmetker qabyldaý josparlanǵan. Bul kórsetkish ótken jylmen salystyrǵanda 1 602 adamǵa az, ıaǵnı 2019 jyldan bergi alǵashqy qysqartý bolmaq.

Soǵan qaramastan, el bıligi jas mamandardy jumysqa tartýǵa erekshe nazar aýdaryp otyr. Usynylǵan bos oryndardyń shamamen 26 myńǵa jýyǵy sońǵy jyldary joǵary oqý ornyn támamdaǵan túlekterge arnalǵan.

Mamandyq ıeleriniń jas shegin keńeıtý jónindegi sheshim Qytaıdyń zeınet jasyn kezeńdep arttyrý baǵytymen úndes.