Jambyl aýdanynyń bilim bólimi habarlaǵandaı, mektep dırektory 13-qazanda 2025 jyldyń 21 qyrkúıegi, jeksenbi kúni, sabaqtan tys ýaqytta, mektep aýmaǵynan tys, jeke úıde kámeletke tolmaǵandardyń qatysýymen oqıǵa oryn alǵany týraly habar alysymen, dereý quqyq qorǵaý organdaryna habarlaǵan.
Atalǵan derek boıynsha quqyq qorǵaý organdary QR Qylmystyq kodeksiniń 124-babynyń 1-bóligi boıynsha qylmystyq is qozǵap, qazirgi tańda barlyq mán-jaılardy anyqtaýǵa baǵyttalǵan prosessýaldyq is-sharalar júrgizilip jatyr.
Qazirgi ýaqytta oqýshylarmen jeke profılaktıkalyq jáne túsindirý jumystary jasaldy. Sonymen qatar oblystyq psıhologııalyq qoldaý ortalyǵynyń mamandary zardap shekken oqýshyǵa qajetti psıhologııalyq kómek kórsetip jatyr.
«Mektep dırektory zańǵa sáıkes áreket etip, oqıǵa týraly der kezinde polısııaǵa habarlaǵan. Qazir tergeý organdary isti qarastyrýda, barlyq málimetter tıisti tártippen anyqtalady. Osy rette, qoǵam ókilderinen rastalmaǵan aqparat taratpaýǵa jáne balalarǵa qatysty máselelerde jaýapkershilik tanytýǵa shaqyramyz. Eń bastysy – balanyń taǵdyry men psıhologııalyq jaǵdaıy», dedi Jambyl aýdany bilim bóliminiń basshysy Svetlana Altynbekova.
Almaty oblysy
