Foto: istockphoto.com
Premer-mınıstr Oljas Bektenov Úkimet otyrysynda sońǵy jyldary turmystyq gazdan ýlaný derekteri kóbeıgenin atap ótti. Onyń aıtýynsha, tek ótken aptada ǵana Aqtóbe oblysynda úsh adam tabıǵı gazdan ýlanyp kóz jumǵan, olardyń biri – jasóspirim bala.
«Mundaı jaıttardy barynsha azaıtýymyz kerek. Qazir elimizde turǵyndardy gazben qamtý jumystary qarqyndy júrip jatyr. Gaz jabdyqtaryn ornatý kezinde qaýipsizdik erejelerin qatań saqtaý qajet. Gazben jylytý júıesi bar ár úıde mindetti túrde eskertý datchıgi ornatylýǵa tıis», dedi Oljas Bektenov
Sonymen qatar Oljas Bektenov gaz qyzmetterine turǵyn úılerde gazdy qaýipsiz paıdalaný baǵytyndaǵy baqylaý jumystaryn kúsheıtýdi tapsyrdy. Premer-mınıstr óńir ákimderine bul máseleni erekshe baqylaýda ustap, qajetti sharalardy shuǵyl qabyldaýdy mindettedi.
