Kezekti «Stýdentter qataryna qabyldaý» saltanaty is-sharasyn Halyqaralyq bilim korporasııasy (QazBSQA) Balýan Sholaq atyndaǵy Sport saraıynda ótkizdi. Bıylǵy (QazBSQA qabyldaý keshi «Back to the Future 45» taqyrybymen ótti. Bul taqyryp stýdentterdiń bolashaqqa degen kózqarasyn, kásibı jetistikterge, shyǵarmashylyq pen ınnovasııalarǵa baǵyttalǵan 45 jyldyq damý jolyn beıneleıdi. Qabyldaý kesh aıasynda,“Taza Qazaqstan” ulttyq jobasyn qoldaý maqsatynda “Eko-start pervokýrsnıka” aksııasy ótkizildi. Bul aksııa arnaýdy tek mereke emes, tárbıelik jáne ekologııalyq sana qalyptastyrý úderisiniń bir bóligine aınaldyrdy. Sonymen qatar, keshtiń negizgi baǵyty «tolyq adam» tujyrymy boldy. Ol kásibılikti, azamattyq belsendilikti jáne ekologııalyq jaýapkershilikti úılestire bilgen jan-jaqty tulǵany qalyptastyrýǵa baǵyttalǵan.
«Búgin sizder ómirlerińizdiń jańa ári jarqyn kezeńine qadam basyp otyrsyzdar. Sizder Almaty qalasynyń belsendi stýdenttik qaýymdastyǵynyń bir bóligine aınaldyńyzdar. Qala ákimdigi árdaıym jastarmen birge bolyp, olardyń bastamalary men jobalaryn qoldaýǵa daıyn», – dep atap ótti Almaty qalasy Jastar saıasaty basqarmasynyń basshysy Azız Kajdenbek.
Qabyldaý keshine 4000-nan astam birinshi kýrs stýdentteri, oqytýshylar, túlekter men qonaqtar, sonyń ishinde Almaty qalasy ákimdiginiń ókilderi, akademııa túlekteri, jumys berýshiler, seriktester men jastar uıymdarynyń kóshbasshylary qatysty.
Aıta keteıik, Almatyda 35 joǵary oqý orny jumys isteıdi, onda 210 myńnan astam stýdent bilim alýda.. Stýdentter qataryna qabyldaý keshi – qala stýdentterin biriktiretin, qaladaǵy ár joǵarǵy oqý ornynda ótetin jyl saıynǵy iri oqıǵa. Munda kóńildi merekeden bólek, tárbıe men qundylyqtar aldyńǵy orynǵa qoıylady. Jyl saıyn bundaı sharalar jańa oqý maýsymynyń bastamasy ári stýdentter boıynda maqtanysh sezimin, birlik pen bolashaq Qazaqstandy qurý mıssııasyn qalyptastyrady.
