Foto: istockphoto.com
«Qazirgi tańda 36–38 myń astanalyq jańa jumys kestesimen eńbek etip jatyr. Bul memlekettik mekemeler men ulttyq kompanııalardyń, sondaı-aq kommýnaldyq salanyń ókilderi. Nátıjesi qarasha aıynyń sońyna qaraı aıqyn kórinedi dep senemiz», dedi qala basshysy.
Ákimniń sózinshe, kólik qozǵalysyn retteýge baǵyttalǵan bul sharamen qatar qoǵamdyq kólikti damytý jumystary da belsendi júrip jatyr.
«Sońǵy eki jarym jylda qaladaǵy avtobýs parkterin túgel aralap shyqtym. Osy ýaqyt ishinde 800-900 avtobýs jańartyldy, bul búkil avtoparktiń 40 paıyzy. Kelesi jyly taǵy shamamen 400 jańa avtobýs satyp alýdy josparlap otyrmyz. Halyqty qoǵamdyq kólikti kóbirek paıdalanýǵa shaqyramyz», dedi Jeńis Qasymbek.
Bıyl avtobýstardyń ortasha qozǵalys jyldamdyǵy ótken jylmen salystyrǵanda 3,5 shaqyrymǵa artqan. Eger byltyr táýligine shamamen 800 myń adam avtobýs qyzmetin paıdalansa, qazir bul kórsetkish 1 mıllıon 150 myńǵa jetken.
