Foto: Ashyq derekkóz
Ákimniń sózinshe, búginde Qosshydan elordaǵa kún saıyn 15–20 myń kólik qatynaıdy. Bul qala kóshelerine eleýli júkteme túsirip otyr.
«Qosshy qalasy ulǵaıyp keledi, bul Astanaǵa úlken kómek kórsetetin, keptelisti azaıtatyn iri seriktes qala. Sondyqtan biz kelesi kezeńde dál osy baǵytta LRT salýdy josparlap otyrmyz», dedi Jeńis Qasymbek.
Onyń aıtýynsha, bul baǵyt jobanyń ekinshi kezeńiniń bir bóligi ǵana. Ekinshi tarmaq Syǵanaq kóshesi arqyly Turan dańǵylyna, odan ári qalanyń eski bóligine temirjol vokzalyna deıin jalǵasady. Al Qosshyǵa baratyn bóligin shamamen bir jarym jyldyń ishinde aıaqtaý kózdelip otyr.
Qarjylandyrý máselesine toqtalǵan ákim, bul jobaǵa qajet qarajattyń bir bóligi qaryz qarajat esebinen tartylýy múmkin ekenin atap ótti. Sonymen qatar, Kosshy baǵytyna baratyn LRT jelisiniń bir bóligi jer ústimen ótedi.
Qazir tańerteńgi ýaqytta, ásirese saǵat 08:00 shamasynda, 50 myńnan astam adam Qosshydan qalaǵa bet alady. Bul Turan, Qabanbaı batyr jáne Máńgilik El dańǵyldarynda úlken kólik keptelisin týdyrady», dedi ákim.
