Abyroı bıiginen túspeımiz

Memleket basshysy N.Á.Na­zarbaevtyń Dúnıejúzilik saý­da uıymyna kirý jónindegi kelissózderdiń aıaqtalýyna baılanysty Qazaqstan halqyna arnaǵan Úndeýin kólik júrgizip kele jatqanda tyńdadym. Keshki saýynǵa daıyndalyp jat­qan ­taýarly-sút fermasyna aıaq tire­simen shuǵyl jınalys ashyp, el mereıin ósirgen habar­dy jetkizdim. Osy joly áriptes­­­terimniń júzi­nen qýa­nysh pen tolqynys lebin sezindim. Rıza boldym. О́ıt­keni, bú­gingideı alma­ǵaıyp zaman­nyń­ oılantarlyq tustary da barshylyq. Aýyldastarymnyń ortasynda turyp mynadaı sózderdi aıttym: Elbasy bul qadamdy tarıhı oqıǵa dep baǵalady. Ekonomıkamyzdy jańa kókjıekterge bastaıtyn uıymǵa elimiz 19 jyldyq daıyn­dyqpen, oń men solyn barynsha salmaqtaǵan qalpymen kelip otyr. Tıisti tájirıbe jınaq­taldy. Onyń ústine, respýblıka saýda-sattyǵynyń 90 paıyzy Dúnıejúzilik saýda uıymyna múshe elderge tıesili. Endi biz ozyq memleketter múddesindegi uıymǵa janama qatysýshy emes, óziniń yqpaldy daýysy bar el retinde úles qosatyn bolamyz. Árıne, álemdik saýda uıymy­nyń ózindik erekshelikteri men alǵa tartar syndary barshylyq. Báseke eselene túsedi. Sebebi, Elbasy Úndeýinde aıtylǵanyndaı, shetelderden keletin taýarlarǵa biz shekaramyzdy ashamyz, ta­ýar Qazaqstanǵa kóptep keletin bolady. Sapa sheshýshi tutqa bolmaq. Bul oraıda, DSU beretin artyqshylyqtardy paıdalana biletinimizdi dáleldeý qajet bolady. Bul Qazaqstannyń qolynan keledi jáne biz álemniń ozyq elderi qatarynan laıyqty oryn alamyz dep kámil senemin. О́ıtkeni, «Altyn sapa» belgisin eki ret jeńip alǵan «Rodına» agrofırmasy bul baǵyttaǵy jumysty jetildire túsedi. Zamanalyq jabdyqtar orna­tylǵan sehta sút ónimderiniń otyz túri shyǵarylady. Bulardyń barlyǵy ST RK ISO 9001-2009 sapa menedjmenti júıesimen ser­tı­fıkattalǵan. Azyqtyq taýar­lardyń qaýipsizdigi jónindegi ST RK ISO 22000-2006 jáne ST RK 1733-2007 sertıfıkattary talaptaryna saı sútti 120 saǵat, al aıran, qaımaq, sary maı, syr, irimshik pen súzbeni 7 táý­­lik boıy alańsyz saqtaı ala­syz. Sapa menedjmentiniń halyq­aralyq negizderge saı kelýi sharýa­shy­lyqtyń álemdik deńgeıdegi ónim shyǵarýyna múmkindik ashyp otyr. Aınalyp kelgende, joǵaryda atalǵan sertıfıkattar jıyntyǵy barlyq óndiristik jáne basqarý prosesin halyqaralyq ISO 9001:2008 standarttary talabynda júrgizýge kepildik beredi. Ivan SAÝER, «Rodına» agrofırmasynyń dırektory, Qazaqstannyń Eńbek Eri. Aqmola oblysy, Selınograd aýdany.