Foto: Polisia.kz
Sh.Alekeshevtiń sózinshe keıbir jastar saýda ortalyqtarynda nemese kóshede aıǵaılap, jartylaı jalańash júgirip, jurtqa kedergi keltirip, ózderin «shoý» etip túsirip júr. Mundaı áreketter úshin zańda jaýapkershilik qarastyrylǵan.
Jýyrda elordada bolǵan osyndaı oqıǵa boıynsha quqyqbuzýshy 15 táýlikke ákimshilik qamaýǵa alynǵan.
«Laık jınaý úshin jasalǵan mundaı áreket batyldyq ta, kreatıv te emes. Bul – qoǵamdyq tártipti buzý, kópshilikke qurmetsizdik kórsetý, ar-uıatqa jat qylyq.
Qoǵamdyq orynda jasalǵan kez kelgen zańǵa qaıshy nemese uıat áreketke jol berilmeıdi. Zańǵa sáıkes jaýapqa tartylady. Barshaǵa, ásirese jastarǵa aıtarymyz: kúmándi ınternet-trendterge ermeńizder. О́zińizdi de, aınaladaǵy adamdardy da qurmetteńizder. Naǵyz qurmet pen abyroı jaqsy is, paıdaly oı, durys áreket arqyly keledi.
IIM mundaı jaǵdaılarǵa qatań tosqaýyl qoıyp, azamattardyń tynyshtyǵy men qaýipsizdigin qamtamasyz etýdi jalǵastyratyn bolady», dedi Shyńǵys Alekeshev.
