Oblystyq polısııa departamentiniń málimetinshe, atalǵan derek boıynsha qylmystyq is qozǵalǵan.
«Kúdikti – kemeletke tolmaǵan jasóspirim ustalyp, ýaqytsha ustaý ızolıatoryna qamaldy. Sot sanksııasymen oǵan bultartpaý sharasy retinde qamaýda ustaý túrindegi shara qoldanyldy. Qazirgi ýaqytta bolǵan oqıǵanyń mán-jaıyn jan-jaqty jáne obektıvti anyqtaýǵa baǵyttalǵan tergeý amaldary júrgizilip jatyr», – dep habarlady polısııa departamentiniń baspasóz qyzmeti.
Sonymen qatar kúdiktiniń zańdy ókilderi kámeletke tolmaǵan balany tárbıeleý mindetterin durys oryndamaǵany úshin ákimshilik jaýapkershilikke tartylǵan.
Polısııa atalǵan istiń tergeý barysy oblystyq departament basshylyǵynyń erekshe baqylaýynda ekenin atady.
Eske salar bolsaq, buǵan deıin Almaty oblysynyń Qarǵaly aýylynda birneshe jasóspirim jetim qyzǵa zorlyq árketterin jasap, ony vıdeoǵa túsirgen.
Bul derek boıynsha QR Qylmystyq kodeksiniń 124-babynyń 1-bóligi («On alty jasqa tolmaǵan adamǵa kúsh qoldanbaı azǵyndyq áreketter jasaý») boıynsha is qozǵalyp, tergeý kezinde iske qatysy bar jeti jasóspirim anyqtalǵan.
