Buǵan deıin bul joba Aqmola oblysynyń Aqkól qalasynda iske qosylǵan bolatyn. Endi mınıstrlik «Memlekettik ataýly áleýmettik kómek alýshylarǵa sıfrlyq azyq-túlik vaýcherlerin berý jónindegi qyzmetti kórsetý boıynsha pılottyq jobany iske asyrý jáne memlekettik organdar men uıymdardyń ózara is-qımyly týraly» birlesken buıryq jobasyn «Ashyq NQA» portalynda jarııalady. Qujatta pılottyq jobanyń geografııasyn keńeıtý kózdelgen.
«Jobany iske asyrý memlekettik ataýly áleýmettik kómek alýshylarǵa qyzmet kórsetýdiń úzdiksizdigin qamtamasyz etedi, jańa óńirlerde sıfrlyq azyq-túlik vaýcherlerin engizý nátıjelerin baǵalaýǵa jáne bul tetikti turaqty negizde keńeıtý boıynsha usynystar ázirleýge múmkindik beredi», – delingen mınıstrliktiń habarlamasynda.
Vedomstvonyń málimetinshe, memleket áleýmettik mańyzy bar azyq-túlik baǵasyn retteý tetiginen bas tartyp, AÁK alýshylardy tikeleı qoldaý formatyna kóship jatyr. Daıyndyq kezeńinde «áleýmettik ámııan» arqyly eGov Mobile qosymshasynda sıfrlyq azyq-túlik vaýcherleri synaqtan ótýde. Bul júıe arqyly AÁK alýshylar azyq-túlikti 15%-ǵa deıin jeńildikpen satyp ala alady.
