Foto: freepik.com
Elimizde 3 883 qoǵamdyq kitaphana jumys isteıdi, olarǵa bıyl 5,3 mıllıonnan astam jańa oqyrman tirkelgen.
Mádenıet jáne aqparat mınıstrliginiń málimetinshe, sońǵy bir aıdyń ózinde Almatydaǵy Ulttyq kitaphanaǵa shamamen 13 myń adam júgingen. Eń belsendi oqyrmandar – 17 men 25 jas aralyǵyndaǵylar, al 45 jastan asqan kelýshilerdiń sany – eki myńǵa jýyq. Al shamamen úsh myń adam kitaphanaǵa alǵash ret tirkelgen.
Oqyrmandar kóbine qazaq jáne álem ádebıetiniń klassıkalyq jáne kórkem shyǵarmalaryn oqyǵandy jón kóredi. Kitap súıer qaýym kóbine romandar, povester men poezııany tańdaıdy. Sońǵy aılarda qazaq klassıkasyna jáne ulttyq fılosofııalyq ádebıetke qyzyǵýshylyq aıtarlyqtaı artqan.
