«Qazirgi geomagnıttik jaǵdaı boljammen salystyrǵanda túsiniksiz túrde ózgeshe bolyp tur. Túnde planetaǵa tek kútilip otyrǵan úsh plazmalyq shyǵaryndynyń birinshisi (eń álsizi) kelip, G1–G2 deńgeıindegi álsiz daýyldar týdyrýy tıis edi. Negizgi áserdiń sharyqtaý shegi táýliktiń ortasyna qaraı bolady dep boljanǵan », delingen habarlamada.
Ǵalymdardyń aıtýynsha, munyń jalǵyz túsindirmesi – keshe bolǵan bıylǵy eń qýatty X5.1 klasty Kún jarqylynyń nátıjesinde paıda bolǵan sońǵy plazmalyq bulttyń óte joǵary jyldamdyqpen qozǵalyp, aldynda taralyp bara jatqan baıaý plazmalyq bulttardy qýyp jetip, olardy qysyp, temperatýrany, tyǵyzdyqty jáne magnıttik sıpattamalardy kúrt arttyrýynda.
Qazirgi ýaqytta táýliktik naqty boljam joq. Sebebi qazirgi modelder mundaı shekten tys ekstremaldy oqıǵalardy dál esepteı almaıdy.
