Foto: Ishki ister mınıstrligi
Sharaǵa qatysýshylar eskertkishke erlik pen batyldyqtyń sımvoly sanalatyn qyzyl qalampyr gúlderin qoıdy. Ǵazız Baıtasovtyń rýhyna bir mınýt únsizdik jarııalanyp, odan keıin qarýdan ot shashý atyldy.
«Tártip saqshylary árqashan qylmyskerlerdiń jolyn bógep, qaýippen betpe-bet kezdesedi. On tórt jyl buryn Ǵazız Baıtasov qylmyskerdiń jolyn óz ómirimen bógep, beıbit turǵyndar úshin janyn qıdy. Polısııa kapıtany Ǵazız Baıtasovtyń esimi Táýelsiz Qazaqstannyń qaharmandary qataryna máńgi jazyldy. Ol quqyq qorǵaý organdary qyzmetkerleri arasynda «Halyq Qaharmany» ataǵyn alǵan birinshi jáne jalǵyz adam. Onyń erligi – batyldyqtyń, boryshyna adal qyzmet etýdiń jáne úlken erjúrektiliktiń úlgisi», dep atap ótti oblystyń PD bastyǵynyń birinshi orynbasary Bolat Nurseıitov.
Ǵazız Baıtasovtyń esimi urpaq jadynda máńgi saqtalady. Onyń erligi alystan jarqyraǵan juldyzdaı – eshqashan sónbeıdi.
