Foto: Ǵylym jáne joǵary bilim mınıstrligi
Bıyl Ázerbaıjannan kelgen úshem – Zehra, Esra, Lala Azızovalar men Qyrǵyzstannan kelgen egizder – Batma jáne Zýýra Akkanalıevalar bilim alyp jatyr. Qazaq tilin úırenýdi bastaǵandaryna nebári bir aı bolsa da, tyńdaýshylar erkin sóılep, óz oılaryn qazaq tilinde jetkize alady. Úshem men egiz qyzdar «Daıyndyq ortalyǵyn» aıaqtaǵannan keıin qalaýlaryna sáıkes mamandyqtar boıynsha bilimderin jalǵastyrýdy josparlap otyr.
«Bizdiń túr-sıpatymyz uqsas bolǵanymen, tańdaǵan mamandyǵymyz ártúrli. Birimiz – psıholog, birimiz – dáriger, endi birimiz muǵalim bolǵymyz keledi», deıdi olar.
Ǵylym jáne joǵary bilim mınıstrliginiń málimetinshe, Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń «Daıyndyq ortalyǵynda» qazirgi tańda túrki memleketterinen kelgen 296 tyńdaýshy bar. Olar bir jyl kóleminde tildik daıyndyqtan ótip, qorytyndy emtıhan nátıjesinde tańdaǵan mamandyǵy boıynsha oqýyn jalǵastyrady.
