Foto: istockphoto.com
Balalar nege kóp aýyryp jatyr?
Oblystyń sanıtarııalyq-epıdemıologııalyq baqylaý departamenti 1 qazannan beri 63 myńnan astam jedel respıratorlyq vırýstyq ınfeksııa jaǵdaıyn tirkegen. Naýqastardyń 56 paıyzy – 14 jasqa deıingi balalar. Laboratorııalyq taldaýlar da balalar arasynda vırýstardyń belsendi aınalymda ekenin rastaıdy.
О́ńirde tumaýdyń A (H3N2) shtammy anyqtalǵan 35 naýqastyń 80 paıyzdan astamy – ekpe almaǵan balalar. Dárigerler bul shtamm jańa vırýs emes ekenin, belgileri klassıkalyq tumaýmen sáıkes keletinin aıtady.
Qandaı vırýstar kóp taralyp jatyr?
Tumaýdan bólek, respıratorlyq ınfeksııalardyń ózge túrleri de bıyl joǵary deńgeıde tirkelip otyr. Zerttelgen úlgilerdiń 59 paıyzy oń nátıje bergen. Onyń ishinde:
- rınovırýs – 40%,
- paragrıpp – 19%,
- bokovırýs – 11%,
- adenovırýs – 8%,
- RS-vırýs – 1,2%.
DDSU boljamy boıynsha bıyl A (H1N1), A (H3N2) jáne B shtammdary negizgi aınalymda bolýy tıis. Bul shtammdardyń barlyǵy qazirgi vaksınalar quramynda bar, sondyqtan dárigerler ekpe alýdyń mańyzdy ekenin aıtyp otyr.
Mektepter qashyqtyqtan oqytý formatyna kóshirile me?
Bilim berý uıymdarynda kúndelikti monıtorıng júrgizilip otyr. Bir synyptaǵy aýrýshańdyq 10%-dan aspaıtyndyqtan, mektepterdi jappaı qashyqtan oqytý formatyna kóshirý máselesi qarastyrylmaǵan. Mektepter men balalar mekemelerinde súzgiler kúsheıtilip, belgileri bar adamdar dárigerge jiberilip jatyr.
Búginde oblysta 143 myńnan astam turǵyn tumaýǵa qarsy vaksına alǵan. Vaksınasııalaý naýqany jalǵasyp jatyr.
Aldyn alý sharalary qandaı?
Sanıtarııalyq qyzmet mamandary turǵyndarǵa adam kóp jınalatyn oryndardy shekteýge, úı-jaıdy jeldetýge, qol gıgıenasyn qatań saqtaýǵa jáne aýrý belgileri baıqalǵanda ózin-ózi emdemeı, dárigerge kórinýge keńes beredi.
Aıta keteıik, Densaýlyq saqtaý mınıstrligi elde tumaýdyń jańa túri anyqtalmaǵanyn, sondaı-aq epıdemıologııalyq jaǵdaı baqylaýda ekenin málimdegen bolatyn.
