Foto: olegda88.gmail.com/depositphotos.com; instagram.com/karimbenzema
Áıgili fýtbolshynyń osy málimdemesi týraly ınsaıder Fabrısıo Romano jazǵan eken.
«Eger Florentıno Peres áli de sonda bolsa, bul júzege asýy múmkin. Men oǵan eshqashan «joq» dep aıtpas edim. Men – madrıdtikpin. О́zimdi áli de solaı sezinemin. Madrıd – meniń qalam bolyp qala beredi. Bolashaqta ne bolatynyn kóre jatarmyz», dep málimdedi K.Benzema.
Kárim Benzema kim?
Kásibı fýtboldaǵy jolyn 2004 jyly Fransııanyń «Lıon» klýbynda bastap, jastaıynan-aq talantty ári ámbebap forvard retinde kózge túsken ol qysqa ýaqytta negizgi oıynshy dárejesine kóterilip, komandamen birge Fransııa chempıonattaryn jeńip, Eýropanyń top klýbtarynyń nazaryn ózine aýdartty. Karım Benzema – óz býynynyń eń jarqyn shabýylshylarynyń biri.
«Realdaǵy» dáýir
2009 jyly K.Benzema madrıdtik «Realǵa» aýysyp, bul onyń mansabyndaǵy sheshýshi kezeń boldy. Ýaqyt óte kele ol klýbtyń eń nátıjeli ári eń mańyzdy oıynshylarynyń birine aınaldy.
Komandalyq oıynǵa ıkemdiligi, bos aımaqtardy sheber tabýy, goldyq jaǵdaılar jasaý qabileti jáne shabýyldy tıimdi aıaqtaýy ony «Realdyń» shabýyldaǵy ajyramas bóligine aınaldyrdy.
Jyldar óte kele Kárim Benzema komanda kóshbasshylarynyń birine, álemdegi úzdik shabýylshylardyń qataryna kóterildi. Ol Chempıondar lıgasyn, Ispanııa chempıonatyn, Klýbtyq álem chempıonattaryn, ÝEFA Sýperkýboktaryn san márte jeńip aldy.
2022 jyly onyń uzaq jylǵy eńbegi «Altyn doppen» (Ballon d'Or) baǵalanyp, mansabynyń eń bıik shyńdarynyń birine aınaldy.
Saýd Arabııasyndaǵy kezeń
«Realdan» keıin ol mansabyn Saýd Arabııasynda jalǵastyryp, jańa klýbynda da negizgi oıynshyǵa aınaldy.
Kárim Benzema – turaqtylyqtyń, sheberliktiń jáne fýtboldyq evolıýsııanyń sımvoly. Ol perspektıvaly jas talanttan fýtbol ańyzyna aınalǵan sportshy.
