Foto: Eńbek jáne halyqty áleýmettik qorǵaý mınıstrligi
«Prezıdent Joldaýynda «Eńbek naryǵyn, ásirese kóshi-qon máselesin retteý salasynda esepke alýdyń ortalyqtandyrylǵan júıesi joq» dep atap ótkeni málim. Memleket basshysy mıgrasııalyq prosessterdi memlekettik retteýdiń tıimdiligi tómendigine de basa nazar aýdardy. Ártúrli sarapshylardyń esebinshe, eńbek naryǵynda 2030 jyly eńbek resýrstarynyń jetispeýshiligi 1,8 mln adamǵa jetýi yqtımal! Qazirdiń ózinde elimizdiń eńbek naryǵynda ásirese aýyldyq jerlerde, 900-myń maman jetispeıdi», deıdi depýtattar.
Olardyń aıtýynsha, jaǵdaıdy retteý úshin Úkimet kelesi kezek kúttirmes qadamdar jasaýy tıis.
- Soltústik-shyǵysqa kóship kelgende turǵyn úıge arnalǵan ekonomıkalyq mobıldik sertıfıkatynyń mólsherin 2 320 aılyq ekonomıkalyq kórsetkishke, shamamen 9,1 mln teńge deıin ulǵaıtý.
- Kóship kelgennen keıin, azamat úı satyp alýǵa memleketten alatyn kómek merzimi eki jylǵa sozylyp, kóship ketý merzimi kómek alǵannan bes jylǵa sozý.
- Memlekettik qarajat esebinen salynǵan turǵyn úıdi jekeshelendirý tártibin qaıta qarastyrý.
- Aýyl sharýashylyǵy, bilim berý salalarynda mamandardy tartqan jumys berýshilerge sýbsıdııalardy ulǵaıtý.
- Jumys berýshilerge Enbek.kz portalynda jumys pen turǵyn úı týraly aqparatty jarııalaý mindetin qatań saqtaý. Jarııalamaǵany úshin tártiptik jaza qoldaný.
- Kóship kelgen qandastar men kóship kelýshiler úshin grant berý merzimin keminde 5 jyl turý shartymen 5 jylǵa sozý.
- Jumys berýshilerge qonys aýdarýshylar úshin turǵyn úı satyp alý nemese salýǵa 2%-dan aspaıtyn mólsherlememen jáne 20 jylǵa deıingi merzimmen nesıe berý.
- Soltústik-Shyǵys aımaqtaryna kóship kelgen kúndizgi bólimde oqıtyn otbasy bar stýdentterge «shartty jumyssyz» mártebesin berý, olardy kvotaǵa qosý múmkindigin qarastyrý.
- Shetelde turatyn qandastardy Soltústik-Shyǵys óńirlerine eńbek kúshi retinde tartýdyń jańa tetikterin jasaý.
