Foto: Úkimettiń baspasóz qyzmeti
Oljas Bektenov búginde Qazaqstannyń memlekettik qaryzy JIО́-niń 23,6%-yn quraıtynyn atap ótti. Onyń sózinshe, bul kórsetkish halyqaralyq standarttar boıynsha tómen sanalady. Máselen, kóptegen damyǵan elderde memlekettik qaryz JIО́-ge shaqqanda 50%-dan, 80%-dan, keıde jekelegen memleketterde 100%-dan da asady.
«Men bulaı jasaýǵa shaqyryp otyrǵan joqpyn. Kerisinshe, Qazaqstannyń memlekettik qaryzynyń deńgeıi tómen bolýy tıis dep esepteımin, Úkimet te osy baǵyta jumys isteýde. Halyqaralyq qarjy uıymdary, atap aıtqanda, belgili reıtıngtik agenttikter tarapynan baǵa berilýi memlekettik qaryzdyń qolaıly deńgeıde ekenin rastaıdy. «Úlken úshtik» dep atalyp júrgen Fitch, Moody's jáne S&P agenttikteri bizdi jaqsy baǵalaýda. Elimizdiń ınvestısııalyq reıtıngi – aımaqta jalǵyz kórsetkish. Qarjylyq ornyqtylyǵymyz da bizdiń oıymyzsha, jaman emes», dedi Premer-mınıstr.
Sonymen qatar, Bektenov tıimdi sharttarmen syrttan qaryz tartý múmkindikterine toqtaldy.
«Mysaly, qazan aıynyń sońynda biz eýrobondtardy 4,4%-ben ornalastyrdyq. Bul halyqaralyq ınvestorlardyń Qazaqstanǵa senip, osyndaı paıyzben aqsha salatynynyń jaqsy kórsetkishi», dedi ol.
