Oqıǵa 22 qarasha kúni bolǵan.
«О́ndiristik jumystardy oryndaý barysynda ólimge alyp kelgen jazataıym oqıǵa tirkeldi. 1994 jylǵy Aleksandr Meshanov ekskavatordy taratý qurylǵysyna qosý kezinde ómirge sáıkes kelmeıtin jaraqattar alǵan. Oqıǵanyń mán-jaıy men sebebi tergeý barysynda anyqtalady», delingen polısııa habarlamasynda.
Oqıǵa ornynda arnaıy komıssııa qurylyp, jaǵdaıdyń barlyq mán-jaıy anyqtalyp jatyr. Sonymen qatar eńbek qaýipsizdigi erejelerin buzý faktisi boıynsha polısııa aldyn ala tergeýdi bastady.
«Bogatyr Kómir» kompanııasy qaza tapqan jumysshynyń otbasyna qajetti barlyq kómek kórsetiletinin aıtty.
Aıta keteıik, «Bogatyr Kómir» – elimizdegi eń iri kómir kenishiniń biri, ol Qazaqstannyń energetıkalyq kásiporyndaryn kómirmen qamtamasyz etedi.
