Foto: Oqý-aǵartý mınıstrligi
Memorandým sheńberinde taraptar orta, tehnıkalyq jáne kásiptik bilim berý uıymdarynyń oqý prosesine ǵylymı, ınnovasııalyq jáne sıfrlyq tehnologııalardy, sonymen birge JI engizý, STEM baǵyttaryn damytý jáne jas ǵalymdarǵa qoldaý kórsetý boıynsha birlesken jobalardy iske asyrýǵa kelisti.
«Memleket basshysynyń tapsyrmasyna sáıkes elimizde ǵylymdy damytýǵa aıryqsha basymdyq berilip otyr. Bul memorandým – bolashaq zııatkerlik áleýetti qalyptastyrý jolyndaǵy naqty qadam. Búginde erte jastan ǵylymǵa baýlý maqsatynda bilim berý uıymdarynda STEM-zerthanalar, zamanaýı pándik kabınetter men túrli sheberhanalar arqyly zertteý ınfraqurylymy qalyptastyrylyp jatyr. Bıyl mektep oqýshylary 80-ge jýyq halyqaralyq jáne respýblıkalyq ǵylymı jobalar baıqaýlaryna qatysty. Bul bolashaq ǵalymdardy tárbıeleý baǵytyndaǵy jumystardy sapaly jalǵastyrýdyń ózektiligin kórsetedi», dedi Juldyz Súleımenova.
Oqý-aǵartý mınıstrliginiń málimetinshe, 2025 jyl basynan beri halyqaralyq olımpıadalar men ǵylymı baıqaýlarda 1 564 oqýshy 171 altyn, 312 kúmis, 394 qola, barlyǵy 879 medal ıelengen.
Sondaı-aq elimizde halyqaralyq bedeldi ǵylymı baıqaýlarda jeńiske jetken oqýshylar men olardyń pedagogterine bir rettik memlekettik syıaqy tóleý júıesi engizilip jatyr. Buǵan deıin mundaı yntalandyrý halyqaralyq pándik olımpıadalardan oryn alǵan balalar úshin múmkin bolyp kelgen edi.
