Jasýsha bıologııasy salasynda uzaq jyldar boıy zertteýler júrgizgen professor Shaıken Táttim Amerıkadaǵy Peri-Nuc Labs LLP bas dırektory. Ol sıtoplazmany serpimdi qatty sıtoplazmalyq jáne tutqyr suıyq sıtozolge bólýge bolatynyn anyqtaǵan ǵalym. Ǵalymnyń ǵylymı jańalyǵy qaterli isik pen basqa da aýrýlardyń sebepterin zertteýge, sondaı-aq emdeý tehnologııalaryn ázirleýge jol ashyp otyr.
Ortalyqtyń ashylýynda rektor Janseıit Túımebaev adamzat densaýlyǵyn jaqsartýda ǵylymnyń áleýetin zamanaýı tehnologııalarmen ushtastyrýdyń mańyzyna toqtalyp, sońǵy otyz jylda Amerıkda ǵylymmen aınalysyp jatqan qara shańyraqtyń túlegi Shaıken Táttimniń ǵylymdaǵy jolyna toqtalyp ótti. Aıtýynsha, ortalyqtyń ashylýy ǵylymmen aınalysýǵa qadam basqan magıstranttar, doktoranttar úshin úlken múmkindik beredi.
Ortalyq byltyr ál-Farabı atyndaǵy Qazaq ulttyq ýnıversıtetiniń basqarma tóraǵasy-rektory, Janseıit Túımebaevtyń bastamasymen maýsym aıynda doktor Shaıken Táttimniń qatysýymen qurylǵan bolatyn. Al sol jyly qazan aıynda doktor Sháıken Baylor Scott & White Health densaýlyq saqtaý júıesiniń bólimi Beılor medısına kolledjiniń zertteýshi professory laýazymyna qabyldanyp, kolledj basshylyǵymen zamanaýı ǵylymı zerthana ashý uıǵaryldy.
Professor Shaıken Táttimniń aıtýynsha, ortalyq onkologııalyq aýrýlarǵa qarsy zertteý jumystaryn júrgizip, farmakogenetıkalyq jáne molekýlalyq dıagnostıkalyq testileý múmkindikterin keńeıtedi. Nátıjesinde qaterli isik aýrýyn emdeýge jáne aldyn alýǵa jol ashady.
Tehastaǵy jáne AQSh-tyń ońtústigindegi eń iri densaýlyq saqtaý júıeleriniń biri Baylor Scott & White Health 2013 jyly Baylor Health Care System (negizi 1903 jyly qalanǵan) jáne Scott & White Healthcare birigýi nátıjesinde quryldy. Quramyna Tehas shtatyndaǵy 50-den astam aýrýhana jáne júzdegen medısınalyq ortalyqtar, klınıkalar jáne medısınalyq mekemeler kiredi. Munda jalpy medısınalyq, joǵary mamandandyrylǵan hırýrgııalyq kómek kórsetilip, kúrdeli aýrýlardy emdeledi.
Kezdesý sońynda taraptar ortalyqtyń aldaǵy jumystary týraly josparlarymen bólisti.
Almaty
