South China Morning Post basylymynyń jazýynsha, mert bolǵandardyń deneleri páterlerden, baspaldaqtar men dálizderden tabylǵan. Oqıǵa boıynsha qylmystyq tergeý bastaldy.
Negizgi málimetter:
- Qaza tapqandar – 146 adam, onyń ishinde bir órt sóndirýshi bar.
- 79 adam jaraqat alǵan (arasynda 12 órt sóndirýshi).
- Shamamen 40 adam iz-túzsiz joǵalǵan dep tanylǵan. Taǵy 100-ge jýyq jaǵdaı «anyqtalmaǵan» sanatyna jatqyzylǵan.
- Turǵyn keshendegi segiz blok 2024 jyldyń shildesinen beri jóndeýde bolǵan, ǵımarattar bambýk turqylarymen jáne jasyl qurylys torlarymen qaptalǵan.
- О́rttiń tez taralýyna jóndeý kezinde qoldanylǵan janǵysh penopolıstırol sebep bolǵan.
- Úsh kúndik jalpyulttyq aza kúni jarııalandy, barlyq memlekettik nysandarda týlar tómen túsirildi.
- Jeti ındonezııalyq qutqarýshynyń qaza tapqany rastaldy, taǵy 79-y joǵalǵan.
- Qytaı bıligi Gonkongtyń qutqarý sharalaryn joǵary baǵalap, qoldaý kórsetýge daıyn ekenin málimdedi.
Jeksenbi kúni qaraly oqıǵadan eńsesi ezilgen qala turǵyndary órt ornyna jáne qalanyń ár bóligindegi arnaıy qoıylǵan oryndarǵa gúl shoqtaryn ákelip, marqumdarǵa qurmet kórsetti. Azaly toptyń kezegi Taı Vo stansııasyna deıin 2 shaqyrymǵa sozylǵan.
