Foto: Aqorda
Prezıdentke Jetisý oblysyndaǵy 84 eldi mekenge kógildir otyn jetkizetin Taldyqorǵan – Úsharal magıstraldi gaz qubyrynyń, Aqtaýdaǵy konteıner haby men Almatydaǵy Zhetysu logıstıkalyq termınalynyń, sondaı-aq Sany Re kompanııasymen birlese jel generatorlaryna arnalǵan qondyrǵylar shyǵaratyn zaýyttyń iske qosylǵany jóninde málimet berildi.
Nurlan Jaqypov bergen málimetke sáıkes, bıyl 10 aıdyń ishinde «Samuryq-Energo» AQ saǵatyna 31 mıllıard kVt elektr energııasyn óndirdi. Bul Qazaqstandaǵy jalpy óndiristiń 31 paıyzyn quraıdy. «Samuryq-Energo» AQ quramyna kiretin elektr stansalarynyń qýaty 7845 MVt-qa jetti.
2023-2025 jyldar aralyǵynda áleýmettik jobalardy qoldaýǵa jáne qaıyrymdylyq sharalaryna 1,5 trıllıon teńge bólingen. Bul qarjy medısınalyq nysandarǵa, sondaı-aq 55 ońaltý ortalyǵynyń, 31 ınklıýzııa kabınetiniń, 18 sport kesheniniń, mádenı jáne bilim berý mekemeleriniń qurylysyna jumsaldy. «Taza Qazaqstan» bastamasy aıasynda 5,8 mıllıon túp tal egildi.
Qasym-Jomart Toqaevqa «Samuryq-Qazyna» aksıonerlik qoǵamynyń otandyq bıznesti órkendetýge qatysty bastamalary týraly baıandaldy.
Memleket basshysy Qor jumysynyń tıimdiligin arttyrý, ınvestısııalyq jobalardy sapaly iske asyrý jáne ulttyq aktıvterdiń uzaq merzimdi ornyqty damýyn qamtamasyz etý boıynsha birqatar tapsyrma berdi.
