Trenıng barysynda Dúnıejúzilik densaýlyq saqtaý uıymy usynǵan AITV-ǵa testileýdiń jańa algorıtmi tanystyryldy. Sonymen birge, AITV-dıagnostıkasyndaǵy jedel-testterdi qoldaný, olardyń sapasyna qatysty máseleler talqylandy. Semınarda sondaı-aq elimizdegi 20 óńirdiń AITV (JITS) ortalyqtarynyń zerthana mamandary tájirıbesimen bólisti.
Shahardaǵy JITS-ortalyǵynyń bas dárigeri B.Syrbek óz sózinde AITV-ny erte anyqtaý aýrýdyń asqynyp ketpeýiniń kepili ekenin atap ótti.
«Shymkent qalalyq JITS-ortalyǵynyń AITV-ınfeksııasyn dıagnostıkalaýdaǵy tájirıbesi mol. Ortalyq zerthanasy 2020 jyly ISO 15189 halyqaralyq sapa men qaýipsizdik standarttyna sáıkes akkredıtteldi. Mekeme zamanaýı dıagnostıkalyq analızatorlarmen jabdyqtalǵan. Zerthana mamandary tek TMD memleketterinde ǵana emes, AQSh, Eýropa, Koreıa elderinde de biliktiligin arttyrǵan. AITV-ǵa testileýdiń jańa algorıtmine ótý nátıjesinde AITV-ınfeksııasyn erte anyqtaýǵa, antıretrovırýsty terapııany erte bastaýǵa sol arqyly naýqastardyń ómir sapasyn jaqsartýǵa qol jetkizildi», dedi ol.
Shymkent
