Foto: Ashyq derekkóz
Osyǵan deıin qazan aıynda Dımash Nıý-Iorktegi áıgili Madison Square Garden alańynda konsert berip, qazaq ónerin halyqaralyq deńgeıde tanytyp, úlken jetistikke jetken edi. Sol tabysty óner kórsetýden keıin ol Grammy platformasymen jáne Amerıkalyq Ulttyq dybys jazý óneri men ǵylymy akademııasymen shyǵarmashylyq baılanys ornatqan.
«Global Spin» jobasy 2021 jyldan beri álem mýzykasyn qoldap, ár eldiń mádenı bolmysyn kórsetýdi maqsat etedi. Jobaǵa buǵan deıin K-pop sýper juldyzdary, afrıkalyq hıp-hop ókilderi, eýropalyq folk oryndaýshylary sııaqty túrli baǵyttaǵy mýzykanttar qatysqan. Ár shyǵarylym tek ártistiń ónerin ǵana emes, onyń elin, mádenıetin álemge tanystyrýǵa baǵyttalǵan eksklıýzıvti tikeleı oryndaýdan turady.
Dybys jazý akademııasy AQSh pen álemdegi eń bedeldi mýzykalyq uıymdardyń biri. Akademııa oryndaýshylar men prodıýserlerdiń shyǵarmashylyǵyn qoldap, jyl saıyn álemge tanymal Grammy marapatyn uıymdastyrady.
