Foto: Aqorda
«Muny barlyq sheteldik baqylaýshy men maman moıyndap otyr. Kreatıvti ındýstrııa sekildi jańa sektorlardy damytý arqyly ekonomıkanyń kókjıegi keńeıedi. Halyqaralyq qarjy ınstıtýttarynyń esebine sáıkes, atalǵan segment álem boıynsha jyl saıyn 2 trıllıon dollardan asa tabys ákele alady, sondaı-aq 50 mıllıonnan astam jumys ornyn ashýǵa qaýqarly», dedi Qasym-Jomart Toqaev.
Memleket basyshynyń sózinshe, birqatar damyǵan elde, máselen, AQSh-ta, Ulybrıtanııada, Koreıa Respýblıkasynda kreatıvti ındýstrııa ishki jalpy ónimniń 2-den 7 paıyzǵa deıingi kólemin qalyptastyrady.
«Sarapshylardyń baǵalaýynsha, kreatıvti ındýstrııaǵa salynǵan ár dollar qosylǵan qunnyń 2,5 dollaryn quraıdy. Qazaqstanda kreatıvti ındýstrııany órkendetýge aıtarlyqtaı áleýet bar. Bizdiń jastarymyz óte shyǵarmashyl, olardyń minezi de, mentalıteti de soǵan saı keledi. Alaıda elimizdiń ishki jalpy ónimindegi bul sektordyń úlesi 1 paıyz ǵana», dedi Prezıdent.
